Бүгін Алматы облысының әкімі Амандық Баталов облыс дәрігерлерін кәсіби мерекесімен құттықтады. Құттықтау сөзінде " Адамдардың дертіне дауа, жанына шипа болып жүрген сіздердің қоғамға қосып жатқан үлестеріңіз мол. Сіздерге шын жүректен алғысымды білдіремін" деді.
Сонымен қатар медицина саласына зор үлес қосып жүрген дәрігерлерді марапаттап, "Үздік дәрігер" номинациясын жеңіп алған Алматы аймақтық онкологиялық диспансерінің хирург-дәрігері Жантөре Естөреұлына автолкөліктің кілтін табыстады.
Медицина қызметкерлеріне арналған шара мерекелік концертпен аяқталды.
